BARATZEZAINTZA EKOLOGIKOARI BURUZKO URTEKO KURTSOA

Datorren azaroaren 26an eta 27an, baratzezaintza ekologikoari buruzko 9 moduluz osatutako URTEKO KURTSOA hasiko da Usamaren Etxaldean.

Hilean behin (larunbatetan, gaztelaniaz eta igandetan, euskaraz), bi ordu eta erdi bitartean, Hontza Seoane Lasaldek 9 modulu irakatsiko ditu eta 9 hilabetetan zehar, parte-hartzaileei teoria zein praktika eskainiko dien kurtso oso bat osatuko da.

BARATZEAREKIN ETXALDEAN BERTAN

Kurtsoak irauten duen bitartean, parte-hartzaileek forma emango diote eta lan egingo dute euren baratzetan. Aukera izango dute ordu eta data zehatzetan (kurtsokoez gain) etxaldera etortzeko baratzea mantentzeko baita baratzean moduluetan irakatsitako gai ezberdinak praktikatzeko ere.